مەزڵووم عەبدی: ئەم شەڕە لەلایەن چەندین هێزەوە پیلانی بۆ داڕێژرابوو و بەسەرماندا سەپێنرا

پەیام 
مەزڵووم عەبدی، فەرماندەی گشتیی هێزەكانی سووریای دیموكرات (هەسەدە)، بەر لە ڕۆیشتنی بۆ دیمەشق، پەیامێكی لەبارەی ڕێككەوتنەكەی لەگەڵ ئەحمەد شەرع، سەرۆككۆماری سووریا، بڵاو كردەوە، لەبارەی شەڕی حەلەبیشەوە ڕایدەگەیەنێت، ئەم شەڕە لەلایەن چەندین هێزەوە پیلانی بۆ داڕێژرابوو و، بە پێداگرییەوە بەسەرماندا سەپێنرا تا گەیشتینە ئەمڕۆ.
مەزڵووم عەبدی دەڵێت "بۆ ئەوەی ئەم شەڕە نەبێتە شەڕی ناوخۆ، كە بەو جۆرە پیلانی بۆ داڕێژرابوو، هەروەها بۆ ئەوەی كوشتاری زیاتر ڕوو نەدات، بەتایبەتی كوشتنی مەدەنییەكان، ڕازی بووین كە لە دێرەزوور و ڕەققە بكشێینەوە بۆ حەسەكە".
لەگەڵ ئەوەشدا فەرماندەی گشتیی هەسەدە جەختی كردەوە كە سوورن لەسەر پاراستنی دەستكەوتەكانی شۆڕش و تایبەتمەندی ناوچەكە و، ڕایگەیاند: بۆ ئەمەش هەرچی لە تواناماندا بێت، دەیكەین.