7 کاتژمێر پێش ئێستا
304 جار خوێنراوەتەوە
خەتیبزادە: ئەمریكا بە خەیاڵی ئیسڕائیلی گەورە پەلكێشی شەڕی دژ بە ئێران كراوە
پەیام
سەعید خەتیبزادە جێگری وەزیری دەرەوەی كۆماری ئیسلامیی ئێران ڕایگەیاند: ویلایەتە یەكگرتووەكان بە خەیاڵی ئیسڕائیلی گەورە پەلكێشی شەڕی دژ بە ئێران كراوە، هەموو وڵاتانیش ئەوە دەزانن.
لە وتەیەكیدا لە میانی كۆنگرەی (گفتوگۆی ڕایسینا 2026) لە نیودەلهی پایتەختی هند ئاماژەی بۆ جەنگی ئەمریكا و قەوارەی زایۆنی بۆ سەر وڵاتەكەی كرد و ڕایشیگەیاند: سوپای ئێران سنوورێك بۆ بوونی سەربازیی ئەمریكا لە ناوچەكە دادەنێت.
لە بەشێكی دیكەی قسەكانیدا، سەعید خەتیبزادە ئاماژەی بەوە دا، كە وڵاتەكەی شەڕی بوونی خۆی دەكات و ڕووبەڕووی هێرش و پەلامارێك بووەتەوە كە تێیدا بنەماكانی یاسای نێودەوڵەتی تێدا پێشێل دەكرێت.
لەبارەی لێدوانێكی سەرۆكی ئەمریكا تایبەت بە توانای دەستوەردانی لە هەڵبژاردنی سەركردایەتی نوێی ئێران، جێگری وەزیری دەرەوەی ئێران ئاماژەی بەوە دا كە ترەمپ تەنانەت ناتوانێت سەرۆكی شارەوانی نیویۆركیش دیاری بكات.
لە تۆڕە کۆمەڵایەتیەکان شەیری بکە