لە تۆڵەی بۆردومانی قوتابخانەكەدا، ئێران 22هەمین ڕێژنەی مووشەكیی ئاڕاستەی ئـیسرائیل کرد

پەیام 

لە تۆڵەی كۆمەڵكوژیی قوتابخانەكەی میناب، ئێران ڕێژنەی 22هەمی مووشەكبارانەكانی بۆ سەر خاكی قەوارەی زایۆنی و پێكانی بەشێك لە ئامانجەكانی ڕاگەیاند.

لە ڕاگەیەنراوی ژمارە 23یدا، پەیوەندییە گشتییەكانی سوپای پاسداران  ئەمڕۆ هەینی، هەڵدانی 22هەمین ڕێژنەی مووشەكی لە چوارچێوەی ئۆپراسیۆنی (وەعدەی سادق4) ڕاگەیاند.

سوپای پاسداران ڕایگەیاند: دواهەمین ڕێژنەی مووشەكی هەڵدانی ژمارەیەك مووشەكی نەوەی نوێی بۆ سەر ئامانجەكانی ئەمریكا و قەوارەی زایۆنی لەخۆ گرتووە و بنكەی ئاسمانیی زەفرەش بە فڕۆكەی بێفڕۆكەوان و مووشەكی ورد بەئامانج گیراوە و ڕاداری ئاگاداركردنەوەی پێشوەختە لە هەمان بنكە، هەروەها وەرشەی چاككردنەوەی درۆنی ئێم كیو ناین و فڕۆكەی هەواڵگری یو توو، تێكوپێك دراوە.

سوپای پاسداران ڕایشیگەیاند: لە هێرشەكەدا هاوتەریب لەگەڵ مووشەكی بالیستی، مووشەكەكانی خەیبەر و فەتاح، مووشەكی خوڕەمشەهر4 بە كڵاوەی دوو تۆنییەوە و بە خێرایی 14 ماخ ئاڕاستەی ئامانجەكانیان كراون.

بەپێی ڕاگەیەنراوەكە ڕێژنە مووشەكییە نوێیەكە بۆ سەر بەرژەوەندییەكانی ئەمریكا و قەوراەی زایۆنی لە تۆڵەی بۆردومانی قوتابخانەكەی پارێزگای هورمزگانە كە تێیدا نزیكەی 200 قوتابی كچ و مامۆستا و كارمەند گیانیان لەدەست دا.