04/02/2026
410 جار خوێنراوەتەوە
قامیشلو.. هێزهكانی ئاسایشی ناوخۆ له شارهكهدا جێگیرن
لە چوارچێوەی جێبەجێکردنی ڕێککەوتنی نێوان هەسەدە و دیمەشق، ئێوارەی ئەمڕۆ هێزەکانی سەر بە وەزارەتی ناوخۆی سووریا چوونە نێو شاری قامیشڵۆوە.
وەزارەتی ناوخۆی سووریا ڕایگەیاند: لە چوارچێوەی جێبەجێکردنی خاڵەکانی ڕێککەوتنە ئەمنییەکە کە ڕۆژی هەینی لە نێوان دیمەشق و هێزەکانی سووریای دیموکرات (هەسەدە) واژوو کرا، یەکەکانی سەر بە وەزارەت چوونە نێو شاری قامیشڵۆ سەر بە پارێزگای حەسەکە.
بەپێی سەرچاوەکانی هەواڵ، هێزەکانی سەر بە وەزارەتی ناوخۆی سووریا کە چوونەتە نێو شاری قامیشڵۆوە لە 100 ئەندامی ئەمنی و 20 ئۆتۆمبێل پێک هاتوون.
ڕێککەوتنەکەی ڕۆژی هەینی ڕابردوو کشانەوەی هێزە سەربازییەکانی هەر دوو لا لە بەرەکانی پێشەوە لە خۆ دەگرێت، هەروەها وەک سەرەتایەکیش بۆ جێبەجێکردنی پڕۆسەی تێەڵکردنی هێزە ئەمنیەکان و سەپاندنی سەقامگیری هێزە ئەمنییەکانی سەر بە دیمەشق لە نێو هەردوو شاری حەسەکە و قامیشڵۆ جێگیر دەکرێن.
دوێنێ دووشەممەش هێزەکانی سەر بە وەزارەتی ناوخۆ چوونە نێو شاری حەسەکە و بەپێی لێدوانی بەرپرسانی هەسەدە بڕیارە دوای تێکەڵکردنی دامودەزگاکان و هێزە سەربازییەکان لە هەردوو شارەکە بکشێنەوە.
لە تۆڕە کۆمەڵایەتیەکان شەیری بکە