هاتووچۆی کەشتییەکان لە هورمز بە شێوەیەکی بەرچاو کەمی کردووە

بەپێی زانیارییەکانی ڕویتەرز، لە هەفتەی پێشوو تەنیا ١٣ کەشتی نەوتهەڵگر بە ٣٤ ملیۆن بەرمیل نەوتی خاو لە ڕێگەی گەرووی هورمزەوە تێپەڕێون، کە زۆربەی هی سعودییە و عێراق بوون. 
ئامارەکانی کۆمپانیای "کیپلەر" بۆ بەدواداچوونی جووڵەی کەشتیوانی کە ئاژانسی ڕویتەرز بـڵاوی کردوونەتەوە ئاماژە بەوە دەکەن، زۆربەی ئەو ١٣ کەشتی نەوتهەڵگرەی لەو هەفتەیەدا لە گەرووی هورمز دەرچوون، کەشتی نەوتهەڵگری زۆر زەبەلاح بوون. بەپێی داتاکان، نیوەی ئەو کەشتیانەی کە لە گەرووی هورمزەوە تێپەڕێون هی عەرەبستانی سعودییە بوون، لە کاتێکدا ٣٥٪ی کۆی ئەو هەناردەیە لە عێراقەوە بووە. 
هاوکات داتاکان دابەزینێکی روونیان لە جووڵەی کەشتییە بازرگانییەکاندا لەماوەی پشووی کۆتایی هەفتەدا تۆمار کردووە؛ بە جۆرێک تەنیا ١٢ کەشتیی گواستنەوەی کەلوپەل لە گەرووەکە پەڕیونەتەوە، لە کاتێکدا لە کۆتایی هەفـتەی پێشتردا ژمارەیان ٣٥ کەشتی بووە. 
سەبارەت بە جووڵەی ڕۆژانەش، ڕۆژی یەکشەممە چوار کەشتی گەرووەکەیان جێهێشتووە کە دوان لەوانە هەڵگری بەرهەمە نەوتییەکان بوون و دووەکەی دیکەش کەشتیی بەتاڵی گواستنەوەی کەلوپەلی فەل و گاز بوون.