13/02/2026
315 جار خوێنراوەتەوە
دادگای بەریتانیا گرووپێکی فەلەستینی لە ریزبەندی گرووپە قەدەغەكراوەكان دەرهێنا
پەیام
دادگای باڵای بەریتانیا بڕیارێكی وەزارەتی ناوخۆی وڵاتەكەی هەڵوەشاندەوە كە تێیدا "گرووپی كاری فەڵەستین"ی وەك ڕێكخراوێكی قەدەغەكراو ناساندبوو.
بەیانی ڕۆژی هەینی، دادگای باڵای لەندەن وردەكاریی دانیشتنی تایبەت بە تانەدان لە بڕیارەكەی وەزارەتی ناوخۆی خستە ڕوو كە لە تەممووزی 2025دا دەرچوو بوو. دادگا لە بڕیارەكەیدا جەختی كردەوە كە بڕیارەكە پێشێلكردنی ئازادیی ڕادەربڕینە و ناساندنی گرووپی كاری فەڵەستین (پەڵەستاین ئەكشن)، وەك "ڕێكخراوێكی تیرۆریستی" پێشێلكارییەكی ڕوونی مافی ئازادیی ڕادەربڕینە، هەروەها ئەوەشی راگەیاندووە كە وەزارەتی ناوخۆ لە كاتی دەركردنی بڕیارەكەدا پێچەوانەی پەیڕەو و ڕێساكانی خۆی كاری كردووە.
دادگای باڵای بەریتانیا فەرمانی كرد بە هەڵگرتنی ناوی گرووپەكە لە لیستی قەدەغەكراوەكان و بڕیارە لە داهاتوودا وردەكاری زیاتر بڵاو بكاتەوە.
لای خۆیەوە، شابانا مەحموود، وەزیری ناوخۆی بەریتانیا بێئومێدی خۆی بەرانبەر بڕیارەكە دەربڕی و ڕایگەیاند: ئێمە هاوڕا نین لەگەڵ ئەم بڕیارە و لەبەردەم دادگادا بەردەوام دەبین لە شەڕی یاسایی دژی ئەم جوڵانەوەیە.
گرووپی كاری فەڵەستین لە بەریتانیا بەوە ناسراوە كە چالاكییەكانی چڕ كردووەتەوە بۆ پەكخستنی كارگەكانی بەرهەمهێنانی چەك و ئەو كۆمپانیایانەی مامەڵەی بازرگانی لەگەڵ قەوارەی زایۆنی دەكەن.
لە تۆڕە کۆمەڵایەتیەکان شەیری بکە