14/02/2026
243 جار خوێنراوەتەوە
عومهر گوڵپی: دهرگای پهرلهمانیان داخستووە تاوەکو هیچ دەسەڵاتێک چاودێرنەبێت بەسەریانەوە
پەیام
عومهر گوڵپی، كاندیدی سهركهوتووی كۆمهڵی دادگهری بۆ پهرلهمانی كوردستان رایگەیاند، سێ ساڵ و سێ مانگه دهرگای پهرلهمانی كوردستانیان داخستووه تاوەکو هیچ دەسەڵاتێک چاودێرنەبێت بەسەریانەوە، كهچی دهیانهوێت مهجلیسی دیوهخانی حزبهكان بكهنهوه.
ڕاشیگەیاندووە، "پەرلەمانی کوردستان تاکە دەستکەوتی دەستوری (100) ساڵ خەباتی نەتەوەیی هەموو کوردە لەهەر چوار پارچەکە، بە پاساوی ناڕەوا و تەنیا لەبەرئەوەی هیچ دەسەڵاتێک نەبێت چاودێر بێت بەسەریانەوە، سێ ساڵ و سێ مانگە دەرگاکەیان داخستووە."
ئاماژەى بەوەشکردووە "تەنانەت دوای (13) مانگ لە سوێندخواردنی پەرلەمانتاران لە دەرەوەی یاساو دەستور هێشتا نایانەوێت ئەم دامەزراوەیە هەبێت کە مەڕجەعی باڵای خەڵکی کوردستانە بەپێی دەستورو نەریتی سیستمی پەرلەمانی، کەچی دەیانەوێت مەجلیسی دیوەخانی حزبەکان بکەنەوە بۆ پاراستنی 'بەرژەوەندی نیشتیمانی و نەتەوەیی."
عومهر گوڵپی باسى لەوەشکردووە، "ئەوانەی کار بۆ دروستکردنی ئەمجۆرە مەجلیسانە دەکەن، نایانەوێت کوردستان خاوەنی یاساو دامەزراوە بێت و گەلی کوردستان لە ڕێگەی هەڵبژاردن و پەرلەمان و دامەزراوەکانەوە ڕۆڵی هەبێت لە بەڕێوەبردنی هەرێمەکەی با زۆر ڕێژەییش بێت، لە بری ئەوە دەیانەوێت چەند حزبێک لەبری خەڵکی کوردستان بڕیار بدەن و بچنە سەرو یاساو دەستورو دامەزراوەوەوە!"
لە تۆڕە کۆمەڵایەتیەکان شەیری بکە