ئێران وەڵامی ئەمریكا دەداتەوە و هەڕەشەی نقوومكردنی كەشتییەکانیان دەکات

پەیام  

ئێران وەڵامی سەرۆكی ئەمریكا دەداتەوە و هەڕەشەی ژێراوخستنی كەشتییە جەنگییەكانی ئەو وڵاتە لە ناوچەكە دەكات.

لە وەڵامی لێدوانەكانی سەرۆكی ئەمریكا بۆ ناردنی كەشتیەكی دیكەی جەنگیی بۆ ڕۆژهەڵاتی ناوەڕاست، ئیبراهم ڕەزایی، وتەبێژی لیژنەی ئاسایشی نەتەوەیی و سیاسەتی دەرەكی لە پەڕلەمانی ئێران ڕایگەیاند: سەرۆكی ئەمریكا باسی لەوە كردووە كەشتی جەنگی فڕۆکەهەڵگری جیڕاڵد فۆرد ڕەوانەی ناوچەكە دەكات.

وتەبێژی لیژنەی ئاسایشی نەتەوەیی و سیاسسەتی دەرەكی لە پەڕلەمانی ئێران نووسیویەتی: پێیان دەڵێین: نیگەران نەبن، پێشتر ئامانجێكمان هەبوو بۆ لەناوبردن، ئێستا دوو ئامانجمان هەیە كە مەبەستی هەر دوو كەشتی ئەبڕاهام لنكۆڵن و جیڕاڵد فۆردە.

ئەو هەڕەشەیەی ئێران لەدوای چەند كاتژمێرێك هات لە بڵاوكراوەیەكی سەرۆكی ئەمریكا لە تۆڕی كۆمەڵایەتی تروس كە وێنەی كەشتیی فڕۆكەهەڵگری جیراڵد فۆردی بڵاو یكردەوە بێ هیچ نووسینێك، ئەوەش دەنگۆی گەورەی لە نێو ناوەندە سیاسییەكان لێ كەوتووەتەوە.