07/03/2026
790 جار خوێنراوەتەوە
ئێران كوژرانی دەیان سەربازی ئەمریكی لە 24 كاتژمێری ڕابردوودا ڕاگەیاند
پەیام
بارەگای ناوەندیی خاتەمولئەنبیای ئێران كوژران و برینداربوونی زیاتر لە 220 سەربازی ئەمریكی و پێكانی كەشتییەكی نەوتهەڵگری لە هێرشەكانی 24 كاتژمێری ڕابردوویدا ڕادەگەیەنێت.
ئیبراهیم زوڵفەقاری، وتەبێژی بارەگای ناوەندیی خاتەمولئەنبیا كە بەرزترین دەستەی فەرماندەیی هاوبەشی هێزە چەكدارەكانی ئێرانە، ڕایگەیاند: لە درێژەی هێرشەكان بۆ سەر بنكەكانی سوپای ئەمریكا لە ناوچەكە، زیانێكی زۆری گیانی و ماددییان بە هێزە "دەستدرێژكارەكانی" ئەمریكا گەیاندووە.
زوڵفەقاری ئاماژەی بەوەش كرد كە تەنیا لە بنكەی "زەفرە" لە ئیمارات، نزیكەی 200 سەربازی ئەمریكی كوژراون و بریندار بوون، هەروەها لە هێزی دەریایی پێنجەمی ئەمریكایش كە لە ئاوەكانی كەنداو جێگیر بوون، 21 كەس كوژراون.
وتەبێژی بارەگای ناوەندیی خاتەمولئەنبیا وتیشی: هاوكات لە باكووری كەنداویش كەشتییەكی نەوتهەڵگری سەر بە ئەمریكا كراوەتە ئامانج و زیانی پێ گەیشتووە.
لە تۆڕە کۆمەڵایەتیەکان شەیری بکە