1 کاتژمێر پێش ئێستا
86 جار خوێنراوەتەوە
کەوتنەخوارەوەی ھێلیکۆپتەرێک له سعوودیە گیانلەدەستدانی ١٤ کەسی لێکەوتەوە
کەوتنەخوارەوەی ھێلیکۆپتەرێکی سەربە کۆمپانیای ئارامکۆ لە سعوودیە گیانلەدەستدانی ١٤ کەسی لێکەوتەوە
سەرچاوەیەکی بەرپرس لە وەزارەتی وزەی سعوودیە ڕایگەیاند لە ئاکامی کەوتنەخوارەوەی ھێلیکۆپتەرێکی سەربە کۆمپانیای نەوتی "ئارامکۆ" لە ڕۆژھەڵاتی ئەو وڵاتە، ١٤ کەس گیانیان لەدەستداوە.
سەرچاوەکە کە نەیویستووە ناوی ئاشکرا بکرێت لە لێدوانێکدا بۆ ئاژانسی ھەواڵیی فەڕمی سعوودیە "SPA" ئاماژەی بەوەداوە کە ئەمڕۆ یەکشەممە، ھێلیکۆپتەرێکی سەربە کۆمپانیای نەوتی "ئارامکۆ" لە شاری ڕەئس تەنورە ڕۆژھەڵاتی ئەو وڵاتە کەوتووەتەخوارەوە.
بە وتەی سەرچاوەکە لە ئاکامی ڕووداوەکەدا، سەرجەم سەرنشینانی ناو ھێلیکۆپتەرەکە کە ژمارەیان ١٤ کەس بووە و ھاووڵاتی سعوودیین، گیانیان لەدەستداوە.
سەرچاوەکە باسی لەوەش کردووە کە تا ئێستا ھۆکاری کەوتنەخوارەوەی ھێلیکۆپتەرەکە نەزاندراوە، بەڵام لێکۆڵینەوە لەبارەیەوە بەردەوامە.
لە تۆڕە کۆمەڵایەتیەکان شەیری بکە