1 کاتژمێر پێش ئێستا
90 جار خوێنراوەتەوە
ئێران: هەر كەشتییەك مۆڵەتمان لێ وەربگرێت ڕێگای پێ دەدەین لە گەرووی هورمزەوە تێبپەڕێت
پەیام
لەبارەی داخستنی گەرووی هورمزەوە تاران دەڵێت هەر كەشتییەك مۆڵەت لە هێزی دەریایی ئێران وەربگرێت ڕێگای پێ دەدەن لە گەرووی هورمزەوە تێبپەڕێت.
ئیسماعیل بەقایی، وتەبێژی وەزارەتی دەرەوەی ئێران ڕایگەیاند، ئەو ناسەقامگیرییەی كە ئەمریكا و قەوارەی زایۆنی لە ناوچەكەدا دروستیان كردووە كاریگەریی لەسەر جووڵەی كەشتییەكان داناوە، بۆیە بۆ پاراستنی ئاسایشی دەریاوانی، پێویستە هەماهەنگی لەگەڵ ئێران بكرێت.
هاوكات مەجید تەخت ڕەوانچی، جێگری وەزیری دەرەوەی ئێران بە توندی ئەو تۆمەتانەی ئەمریكای ڕەت كردەوە كە گوایە تاران گەرووی هورمزی مینڕێژ كردووە ڕایگەیاند: ئەو دەنگۆیانە "بێ بنەما و ناڕاست"ن.
ڕەوانچی ئاشكرای كرد، لە ئێستادا چەندین وڵات بە فەرمی داوای مۆڵەتیان لە هێزە دەریاییەكانی ئێران كردووە بۆ ئەوەی كەشتییەكانیان بە سەلامەتی تێپەڕ ببن، تارانیش هاوكاریی تەواوی كردوون.
لە تۆڕە کۆمەڵایەتیەکان شەیری بکە