2 کاتژمێر پێش ئێستا
276 جار خوێنراوەتەوە
تڕەمپ: ئەمریکا ئامانجەكانی شەڕی پێكاوە و ئێران بە تەواوی خاپوور بووە
پەیام
دۆناڵد تڕەمپ مۆڵەتی 48 كاتژمێری بۆ كردنەوەی گەرووی هورمز دیاری كرد و سوپای ئێرانیش ڕایگەیاند، لە ئەگەری هەر هێرشێكدا بنكە و ژێرخانە ستراتیژییەكانی ئەمریكا و ئیسرائیل لە ناوچەكەدا خاپوور دەكەن.
دۆناڵد تڕەمپ، سەرۆكی ئەمریكا ڕایگەیاند كە وڵاتەكەی ئامانجەكانی شەڕی پێكاوە و ئێران بە تەواوی خاپوور بووە، هەروەها مۆڵەتی 48 كاتژمێری بە تاران دەدات بۆ كردنەوەی گەرووی هورمز بەڕووی هاتوچۆی دەریاییدا، بە پێچەوانەوە ژێرخانی وزەی ئەو وڵاتە لەناوچەکە دەكەنە ئامانج و لەناوی دەبەن.
تڕەمپ ئاماژەی بەوەش كرد، ئێران داوای ڕێككەوتن دەكات، بەڵام ئەو هیچ خواستێكی بۆ ئاگر بەست نییە، دەشڵێت: ئەمریكا پێش وادەی خۆی ئامانجەكانی بەدی هێناوەی.
لە بەرامبەردا، سوپای ئێران لە ڕێگەی بارەگای "خاتەمولئەنبیا"وە هۆشداری توندی دایە واشنتن و ڕایگەیاند، كە ئەگەر تڕەمپ هەڕەشەكانی جێبەجێ بكات، ئەوا ئەوانیش سەرجەم ژێرخانەكانی وزە، تەكنەلۆژیای زانیاری و وێستگەكانی پاڵاوتنی ئاوی سەر بە ئەمریكا و ئیسرائیل لە ناوچەكەدا دەكەنە ئامانج.
لە تۆڕە کۆمەڵایەتیەکان شەیری بکە