1 کاتژمێر پێش ئێستا
1348 جار خوێنراوەتەوە
بەردەڕەش.. لە ڕووداوێکی هاتووچۆدا بووکێک و دوو ئافرەتى دیکە گیانیانلەدەستدا
پەیام
لە ڕووداوێکی هاتووچۆ لە سنوورى قەزای بەردەڕەش، سێ ئافرەت گیانیانلە دەستدا کە یەکێکیان بووک بووە، ئەمە جگەلە برینداربوونى چوار کەسى دیکە.
بەڕێوەبەرایەتیی بەرگریی شارستانیی ئاکرێ لە راگەیەنراوێکدا بڵاویکردەوە، بەیانیی ئەمڕۆ 22ی ئاداری 2026، رووداوێکی هاتوچۆ لەسەر رێگای "قایماوە بۆ مەندان" لە سنووری قەزای بەردەڕەش روویدا و ئۆتۆمبێلی خێزانێک کەوتووەتە ناو رووباری خازر.
ئەوەشخراوەتەڕوو، حەوت کەس لەناو ئۆتۆمبێلەکەدا بوون و تەمەنیان لە نێوان 17 بۆ 40 ساڵیدا بووە، لە ئەنجامدا چوار کەسیان بریندار بوون، کە پێکهاتبوون لە پیاوێک و سێ ئافرەت، هەروەها سێ ئافرەتی دیکەش گیانیان لەدەست داوە.
بە گوێرەی زانیارییەکان، یەکێک لەو ئافرەتانەی گیانی لە دەستداوە، بووک بووە و بڕیار بووە ئەمڕۆ ئاهەنگی گواستنەوە ئەنجامبدات.
بەڕێوەبەرایەتیی بەرگریی شارستانیی ئاکرێ، ئاماژەى بەوەشکردووە، قوربانییەکان رەوانەی نەخۆشخانەی فریاکەوتنی بەردەڕەش کراون.
لە تۆڕە کۆمەڵایەتیەکان شەیری بکە