نەتەوەیەکگرتووەکان داوا لە ئەمریکا و ئێران دەکات بە جددى کار بۆ ڕێککەوتن بکەن

پەیام
 
نەتەوەیەکگرتووەکان داوا لە ئەمریکا و ئێران کرد، هەوڵێکی راستەقینە بدەن بۆ گەیشتن بە ڕێککەوتن و چارەسەرێکی هەمیشەیی بۆ ململانێکان بکەن. 

ئەمڕۆ دانوستانی هەردوو وەفدى ئەمریکا و ئێران لە پاکستان دەستپێدەکات، ستیفان دوجاریک، وتەبێژی ئەمینداری گشتیی نەتەوە یەکگرتووەکانیش بە پێویستى دەزانێت ئەمریکا و ئێران گفتوگۆکانی پاکستان وەک دەرفەتێک بەکاربهێنن بۆ مامەڵەکردن بە نیازپاکی، بە مەبەستی گەیشتن بە رێککەوتنێکی هەمیشەیی و گشتگیر، کە ئامانج لێی هێورکردنەوەی گرژییەکان و رێگریکردن بێت لە گەڕانەوە بۆ کردەوە دوژمنکارییەکان.

وەفدى ئەمریکا لەلایەن جەی دی فانس، جێگری سەرۆکی ئەمریکاوە سەرۆکایەتی دەکرێت، لە بەرامبەردا محەمەد باقر قالیباف، سەرۆکی پەرلەمانی ئێران سەرۆکایەتی شاندی وڵاتەکەی دەکات.