11/04/2026
446 جار خوێنراوەتەوە
چین دەنگۆی پڕچەككردنى ئێران ڕەتدەكاتەوە
پەیام
چین دەنگۆی پڕچەككردنی ئێران ڕەتدەكاتەوە و زانیارییە هەواڵگرییەكانی ئەمریكا لەو بارەیەوە بە هەڵە ناودەبات.
لە وەڵامی زانیاری هەواڵگریی ئەمریكی گوایە پەكین بەنیازە سیستمی بەرگری ئاسمانی پێشكەوتوو ڕەوانەی ئێران بكات، وتەبێژی باڵیۆزخانەی چین لە واشنتۆن جەختی كردەوە لەوەی هەموو ئەو زانیارییانە هەڵەیە و وڵاتەكەی پابەندە بەسەرجەم بەڵێنەكان و پرەنسیپە نێودەوڵەتیەكان و سەرجەم ئەو تۆمەتانە ڕەتدەكاتەوە كە بەڵگەی پێویستی لەپشتەوە نییە.
هاوكات داوای لە ئەمریكا كرد بوەستێت لە پێكەوەبەستنەوەی ئەو پرسانەی دەبنە هۆی پەرەسەندنی ئاڵۆزییەكان و لەبری ئەوە كاربكات بۆ پاڵپشتی هێوربوونەوە لەسایەی ئەو ئاگربەستە لاوازەی هەیە.
تۆڕی سی ئێن ئێن بڵاویكردەوە بەپێی هەڵسەنگاندنی هەواڵگری ئەمریكا چین لێكۆڵینەوە دەكات لە ناردنی سیستمی بەرگری ئاسمانی بۆ ئێران لە چەند هەفتەی داهاتوودا لە ڕێگەی نێوەندگیر یاخود وڵاتی سێیەم بۆ دووركەوتنەوە لە سزاكان.
لە تۆڕە کۆمەڵایەتیەکان شەیری بکە