11/04/2026
396 جار خوێنراوەتەوە
شاندی دانوستكاری ئێرانی دەسەڵاتی تەواوەتییان بۆ بڕیاردان پێدراوە
پەیام
هەر لەبارەی دانوستانەكانەوە، سەرچاوەكان دەڵێن: شاندی دانوستكاری ئێرانی لە پاكستان دەسەڵاتی تەواوەتی بۆ بڕیاردان هەیە، جێگری سەرۆكی ئەمریكا ڕۆڵی سەرەكی لە ڕێكخستنی ئەو دانوستانە هەبووە.
ڕۆژنامەی نیویۆك تایمز لە زاری سێ سەركردەی باڵای ئێرانی بڵاویكردەوە: شاندنی دانوستكاری ئێرانی لە پاكستان دەسەڵاتی تەواوەتی بۆ بڕیاردان هەیە، نەوەك گەڕانەوە بۆ ڕاوێژكردن لەگەڵ تاران بەهۆی سروشتی هەستیار و یەكلاكەرەوەی دانوستانەكان.
بەوتەی ئەو بەرپرسانە، موجەوتەبا خامنەیی ڕێبەری باڵای ئێران دەسەڵاتی تەواوەتی داوەتە محەمەد باقر قاڵیباف سەرۆكی شاندی دانوستكاری ئێرانی لە پاكستان بۆ ئەنجامدانی ڕێككەوتن یاخود كشانەوە لە دانوستانەكان.
لەلایەكی دیكەوە بەرپرسێكی پاكستانی ئاشكرایكرد: جەی دی ڤانس جێگری سەرۆكی ئەمریكا ڕۆڵی سەرەكی هەبووە لە ڕێكخستنی دانوستانی نێوان وڵاتەكەی و ئێران بۆ دۆزینەوەی چارەسەری دیپلۆماسی بۆ جەنگ و بەپێی هەڵسەنگاندنەكان گەیشتنە ڕێككەوتنی واشنتۆن و تاران چەند ڕۆژێك گفتوگۆكردنی دەوێت.
لە تۆڕە کۆمەڵایەتیەکان شەیری بکە