12/04/2026
405 جار خوێنراوەتەوە
سوپای ئیسرائیل ئامادەكاریی بۆ دەستپێكردنەوەی هێرشەكان بۆ سەر ئێران دەكات
پەیام
سوپای ئیسرائیل ئامادەكاریی بۆ دەستپێكردنەوەی جەنگی ئێران دەكات و هەموو یەكە جیاجیاكان خراونەتە حاڵەتی ئامادەیی.
وەك ئامادەكاریی بۆ ئەگەری دەستپێكردنەوەی جەنگی ئێران لەكاتی شكستهێنانی دانوستانەكان، ئیال زامیر، سەرۆك ئەركانی ئیسرائیل فەرمانی دەركرد بۆ بەرزكردنەوەی ئامادەیی سوپا بۆ ئاستێكی بێ وێنە.
میدیاكانی ئیسرائیل لەزاری چەند سەرچاوەیەكی سەربازیی بڵاویان كردەوە سوپای ئیسرائیل چووەتە حاڵەتی شەڕی ڕێكخراو هاوشێوەی پێش دەستپێكردنی ئۆپراسیۆنەكان لەناو قوڵایی خاكی ئێران و هەروەها سەرجەم پرۆسەكانی پلاندانان و جێبەجێكردن خێراكراون و ئاستی سەرجەم یەكە جیاجیاكانیش بەرزكراونەتەوە.
بەوتەی سەرچاوەكان ئامانجی ئەو ئامادەكارییە بۆ ئەوەیە سوپای ئیسرائیل توانای ئەنجامدانی هێرشی ورد و خێرای هەبێت لەكاتی دەرچوونی بڕیاری سیاسی و هەواڵگریی كاردەكات بۆ نوێكردنەوەی بانكی ئامانجەكان لە ناوخۆی ئێران.
لە تۆڕە کۆمەڵایەتیەکان شەیری بکە