پێش 3 هەفتە
248 جار خوێنراوەتەوە
سبەینێ گەشتە ئاسمانییە ناوخۆییەکانى ئێران دەست پێ دەکەنەوە
پەیام
کۆمپانیای هێڵی ئاسمانیی ئێران ڕایگەیاند، دوای وەستانێکی ٥٠ ڕۆژە، لە بەیانیی ڕۆژی چوارشەممەوە گەشتە ناوخۆیییەکانی وڵات دەستپێدەکەنەوە و یەکەم گەشتیش لە تارانەوە بۆ شاری مەشهەد ئەنجام دەدرێت.
بەپێی ڕاپۆرتێکی ئاژانسی "تەسنیم" ی ئێرانی، هێڵی ئاسمانیی نیشتمانیی ئەو وڵاتە بڕیاریداوە لە سبەینێ چوارشەممەوە پڕۆسەی گەشتە ناوخۆیییەکانی دەستپێبکاتەوە. ئەم بڕیارە دوای ئەوە دێت کە بۆ ماوەی نزیکەی دوو مانگ سەرجەم گەشتەکان ڕاوەستابوون.
کۆمپانیاکە جەختی لەوە کردووەتەوە کە یەکەمین گەشتی ئاسمانیی دوای ئەم پشووە ناچارییە، لە فڕۆکەخانەی تارانەوە بەرەو شاری مەشهەد بەڕێ دەکەوێت. گەشتە ناوخۆیییەکانی ئێران بۆ ماوەی ٥٠ ڕۆژی ڕەبەق بەهۆکاری جەنگ ڕاوەستابوون، بەڵام لە سبەینێوە خشتەی گەشتەکان ئاسایی دەبنەوە.
لە تۆڕە کۆمەڵایەتیەکان شەیری بکە