پێش 2 هەفتە
273 جار خوێنراوەتەوە
سەرۆكوەزیرانی ڕاسپێردراوی فیدڕاڵ لە هەولێرە و ئێوارهش دەگاتە سلێمانى
پەیام
لە چوارچێوەی هەنگاوەكانی بۆ پێكهێنانی كابینە حكومییەكەی، سەرۆكوەزیرانی ڕاسپێردراوی فیدڕاڵ سەردانی هەرێمی كوردستانی كرد.
بە پێی ڕاگەیەنراوێكی نووسینگەی ڕاگەیاندنەكەی، پێشنیوەڕۆی ئەمڕۆ، عەلی فالح زەیدی سەرۆكوەزیرانی ڕاسپێردراوی فیدڕاڵ بە یاوەری شاندێكی چوارچێوەی هەماهەنگی سەردانی هەرێمی كوردستانی كرد.
سەرەتا لە شاری هەولێر و لە فڕۆكەخانەی ئەو شارە لە لایەن سەرۆكوەزیرانی ماوەبەسەرچووی هەرێمی كوردستان و شاندێكی حكومەت و پارتییەوە پێشوازی لێ كرا.
لە سەردانەكەیدا بۆ هەولێر، سەرۆكوەزیرانی ڕاسپێردراوی فیدڕاڵ لەگەڵ سەرۆكی هەرێمی كوردستان و سەرۆكی پارتییش كۆ دەبێتەوە و دواتریش بۆ كۆبوونەوە لەگەڵ سەرۆكی یەكێتی سەردانی سلێمانی دەكات.
ئەم سەردانەی عەلی فالح زەیدی سەرۆكوەزیرانی ڕاسپێردراوی فیدڕاڵ و شاندی چوارچێوەی هەماهەنگی بۆ هەرێمی كوردستان لە چوارچێوەی هەوڵ و هەنگاوەكانیەتی بۆ پێكهێنانی كابینە حكومییەكەی كە بە پێی دەستوور تەنیا 30 ڕۆژی بۆ ئەو ئەركە لە بەردەمدایە.
لە تۆڕە کۆمەڵایەتیەکان شەیری بکە