پێش 2 هەفتە
228 جار خوێنراوەتەوە
ترەمپ: دانوستانەكان لەگەڵ ئێران بە ئاراستەی داواكراودا ناڕۆن
پەیام
سەرۆكی ئەمریكا دەڵێت: دانوستانەكان لەگەڵ ئێران بەردەوامە، بەڵام بە ئاراستەی داواكراودا ناڕوات.
دۆناڵد ترەمپ، سەرۆكی ئەمریكا لە لێدوانێكدا پێش ئەوەی كۆشكی سپی بەرەو فلۆریدا جێ بهێڵێت بە ڕۆژنامەنووسانی ڕاگەیاند: سەركردە ئێرانییەكان لەگەڵ یەكتر ناكۆكن.
ترەمپ ڕایشیگەیاند: لەو دوایین پێشنیازەشی ئێران پێشكەشی كردووە ڕازی نیم.
وتیشی: لەئێستادا دانوستانەكان لەگەڵ ئێران بە ئاراستەی خوازراودا ناڕوات و هۆكاری ئەوەی گەڕاندەوە بۆ بوونی جیاوازی لە نێوان سەركردایەتی ئێران و ناچاربوونی واشنتۆن بۆ مامەڵەكردن لەگەڵ زیاتر لە لایەنێك لە دانوستانەكان.
لەلایەكی دیكەوە دۆناڵد ترەمپ باسی لەوەشكرد سەپاندنی گەمارۆ بەسەر گەرووی هورمز زۆر چالاك بووە و پێشبینی دابەزینی نرخی نەوت و غازی كرد لەدوای كۆتایی هاتنی جەنگ و ڕەخنەشی لەهەندێك وڵاتانی ئەوروپا گرت وەك ئیسپانیا و ئیتاڵیا بەهۆی هەڵوێستیان بەرامبەر جەنگی ئێران.
لە تۆڕە کۆمەڵایەتیەکان شەیری بکە