09/05/2026
262 جار خوێنراوەتەوە
ئەردۆغان: لەم قۆناغەدا هاریكارییمان لەگەڵ بەرپرسانی هەرێم بەردەوام دەبێت
پەیام
سەرۆككۆماری توركیا ڕایدەگەیەنێت: لەم قۆناغەدا هاریكارییمان لەگەڵ بەرپرسانی هەرێمی كوردستان بەردەوام دەبێت.
ئەمڕۆ، شەممە، ڕەجەب تەیب ئەردۆغان سەرۆككۆماری توركیا لە كۆشكی دۆڵمەباغچە پێشوازی لە مەسرور بارزانی سەرۆكوەزیرانی ماوەبەسەرچووی هەرێمی كوردستان كرد.
لەوبارەوە، فەرمانگەی پەیوەندییەكانی سەرۆكایەتی كۆماری توركیا بڵاوی كردەوە: لە كۆبوونەوەكەدا سەرۆككۆمار نیگەرانیی خۆی بە هۆی هێرشەكان بۆ سەر عێراق لە ناویدا هەولێر لە میانی جەنگی نێوان ئەمریكا و ئێران دەربڕی و پاراستنی عێراقی بۆ هەموو ناوچەكە بە گرنگ لە قەڵەم داوە.
لە بەشێكی دیكەی كۆبوونەوەكەدا بە پێی ڕاگەیەنراوی فەرمانگەی سەرۆكایەتی كۆماری توركیا سەرۆكی ئەو وڵاتە ڕایگەیاندووە: لەم قۆناغەدا هاریكارییمان لەگەڵ بەرپرسانی هەرێمی كوردستان بەردەوام دەبێت.
سەرۆككۆماری توركیا بێ ئەوەی ئاماژە بە كابینەی حكوومەتی هەرێمی كوردستان بكات كە ساڵێك و شەش مانگە هەڵبژاردن كراوە كابینەكەی پێك نەهێنراوە، هیوای خواستووە هەرچی زووە حكوومەتی نوێی عێراق پێك بێت و لە خزمەت یەكێتیی و یەكگرتوویی خەڵكەكەیدا بێت.
سەرۆككۆماری توركیا جەخت و پێداگرییشی لەسەر بەئاكامگەیاندنی قۆناغی "توركیای بێ تیرۆر" كردووەتەوە.
لە تۆڕە کۆمەڵایەتیەکان شەیری بکە