پێش 3 هەفتە
74 جار خوێنراوەتەوە
پارێزگاری سلێمانی داوا لە كونسوڵی ئێران دەكات بۆردومانەكانی سەر هەرێم رابگرن
پەیام
پارێزگاری سلێمانی ڕایگەیاند: داوامان لە كونسوڵی ئێران كردووە وڵاتەكەی هێرشەكانی سەر هەرێمی كوردستان و سلێمانی ڕابگرێت.
ئەمڕۆ، هەڤاڵ ئەبوبەکر پارێزگاری سلێمانی، لە دیوانی پارێزگادا، پێشوازیکرد لە سەید محەمەدی میر حوسەینی کونسوڵی نوێی کۆماری ئیسلامیی ئێران لە سلێمانی و وەفدی هاوڕێی.
لە دیدارەکەیاندا پارێزگاری سلێمانی داوای لە كونسوڵی نوێ كردووە هێرش و بۆردومانە سەربازییەكان بۆ سەر هەرێمی كوردستان و سنووری پارێزگای سلێمانی ڕابگیرێت و دۆخە نائاساییەكانی ماوەی جەنگ ئاسایی بكرێتەوە.
پارێزگاری سلێمانی ڕایشیگەیاندووە: هەرێمی كوردستان كە سیاسەتی بێلایەنیی پەیڕەو كردووە، نەكرێتە بەشێك لە جەمسەری شەڕو ململانێ ناوچەیی و نێودەوڵەتییەكان.
لە تۆڕە کۆمەڵایەتیەکان شەیری بکە