15/05/2026
701 جار خوێنراوەتەوە
بە هەورەبرووسكە سێ كەس لە سنووری پارێزگای سلێمانی گیانیان لەدەست دا
پەیام
سێ كەس لە سنووری پارێزگای سلێمانی بە هەورەبرووسكە گیانیان لەدەست دا، دووان لەوانە كوڕ و باوكێكن.
ئێوارەی ئەمڕۆ لە گوندی سەرسیان سەر بە قەزای دوكان، خێزانێكی پێنج كەسی كە بۆ گەیشت و سەیران چووبوونە ناوچەكە، هەورەبروسكە لێی دان، بەهۆیەوە باوك و كوڕێك گیانیان لەدەست دا و كوڕێكی دیكەشیان بریندار بوو، دایك و منداڵێكی ساوا لە ڕووداوەكەدا ڕزگاریان بوو.
پەیامنێری پەیام پێی ڕاگەیاندین، ئەو خێزانە لەناو ئۆتۆمبێلەكەیاندا بوون كە هەورەبرووسكەكە لێی داون.
هەر ئەمڕۆ لە گوندی هەنارانی خواروو لە نزیك هەواری شار لە سلێمانی، پیاوێكی تەمەن 43 ساڵ بە ناوی خەسرەو ئەنوەر، بە هەورەبرووسكە گیانی لەدەست دا.
بەپێی پێشبینییەكانی كەشناسیی هەرێم، سبەی شەممە، پێشبینی دەكرێت پلەكانی گەرما 2 بۆ 3 پلە بەراورد بە ئەمڕۆ دابەزن و لە كاتەكانی دوانیوەڕۆوە جارێكی تر تاوەباران و هەورەبرووسكە لە زۆربەی ناوچەكان دەست پێ بكاتەوە، بۆیە داوا دەكرێت هاووڵاتیان نەچنە ناوچە شاخاوی و دەشتەكان كە مەترسیی لێدانی هەورەبروسكەیان هەیە.
لە تۆڕە کۆمەڵایەتیەکان شەیری بکە