ئیلۆن مەسک سکاڵایەکی به چات جی بی تی دۆڕاند

پەیام
دادگایەکی ئەمریکا سکاڵایەکی یاسایی ئیلۆن ماسکی دژی کۆمپانیای (OpenAI) ڕەت کردەوە و ڕایگەیاند سکاڵاکە لە دەرەوەی وادەی یاسایی خۆی تۆمارکراوە، ئەمەش ڕێگە بۆ گەشەی زیاتری کۆمپانیاکە خۆش دەکات. 

دەستەی تایبەتمەند لە دادگای فیدراڵیی ئۆکلاند لە ویلایەتی کالیفۆرنیا، بە کۆدەنگی بڕیاریاندا کە کۆمپانیای (OpenAI) بەرپرسیار نییە بەرانبەر بەو تۆمەتانەی لەلایەن ماسکەوە ئاڕاستەی کرابوون. دەستەکە ئاماژەی پێ کردووە کە دەوڵەمەندترین کەسی جیهان (ئیلۆن مەسک) زۆر درەنگ بەدەم لە ڕێکارە یاساییەکانەوە چووە و سکاڵاکەی لە کاتی خۆیدا پێشکەش نەکردووە. 

ئەم دادگاییە کە ماوەی سێ هەفتەی خایاند، لەسەر ئاستی جیهانی وەک وەرچەرخانێک بۆ داهاتووی ژیریی دەستکرد و شێوازی بەکارهێنانی دەبینرا. بەڵام بە ئەنجام بڕیارەکە ڕێگا بۆ (OpenAI) خۆش دەکات بەرەو خستنەڕووی پشکەکانی لە بازاڕدا هەنگاو بنێت، کە پێشبینی دەکرێت بەهۆیەوە بەهای کۆمپانیاکە بگاتە یەک تریلیۆن دۆلار. 

لەلایەکی دیکەوە، ئیلۆن ماسک ڕایگەیاند بڕیارەکەى دادگا تەمیز دەکاتەوە و جارێکی دیکە سام ئاڵتمان، بەڕێوەبەری جێبەجێکار و گرێگ برۆکمان، سەرۆکی کۆمپانیاکەی تۆمەتبار کرد بەوەی دامەزراوەیەکی خێرخوازییان بۆ بەرژەوەندیی تایبەتی خۆیان بەکارهێناوە.