كاسبكارانی عەلوەی كەركووك ناڕەزایی دژى كردنەوەی عەلوەیەكی دیكە دەردەبڕن

پەیام

كاسبكارانی عەلوەی كەركوك لەبەردەم شارەوانی گردبوونەوە و كردنەوەی عەلوەیەكی دیكەیان ڕەت كردەوە.

ئەمڕۆ كاسبكاران و فرۆشیارانی میوە و سەوزە عەلوەی كەركوك لەبەردەم بینای سەرۆكایەتی شارەوانی كەركووك گردبوونەوەیەكی ناڕەزاییان ئەنجام دا، كاسبكاران داوا دەكەن بڕیاری كردنەوەی عەلوەیەكی نوێ لە شارەكە ڕابگیرێت، چونكە پێیان وایە ئەم هەنگاوە زیانێكی گەورە بە بژێوی ژیانیان و بازاڕی ئێستایان دەگەیەنێت.

‏نوێنەرانی خۆپیشاندەران دەڵێن عەلوەی ئێستای كەركوك توانای تەواوی هەیە بۆ دابینكردنی پێداویستییەكانی شارەكە و كردنەوەی شوێنێكی هاوشێوە لەم كاتەدا تەنیا دەبێتە هۆی لێكترازانی بازاڕەكە و كەمبوونەوەی داهاتی سەدان خێزان كە ساڵانێكە لەم بوارەدا كار دەكەن.