پێش 2 هەفتە
300 جار خوێنراوەتەوە
ڕۆژهەڵاتی كوردستان.. دایك و كچێك كەوتنە نێو بەنداوێكەوە و خنکان
پەیام
لە ڕۆژهەڵاتی كوردستان ئۆتۆمبێلێك كەوتە نێو بەنداوێكەوە و بەو هۆیەوە دوو كەس كە دایك و كچێكن، گیانیان لەدەست دا.
محەممەد خالید ڕەزوانی بەڕێوەبەری بەرگریی شارستانیی شاری مەریوان لە ڕۆژهەڵاتی كوردستان ڕایگەیاند: دوێنێ هەینی، لە ئاكامی كەوتنە خوارەوەی ئۆتۆمبێلێك لە جۆری پراید بۆ نێو بەنداوی گارانی مەیوان دوو سەرنشینی ئۆتۆمبێلەكە كە ژنن گیانیان لەدەست دا.
بەپێی زانیارییەكان كە بەڕێوەبەری بەرگریی شارستانیی شاری مەریوان ڕایگەیاندووە دوو ژنەكە گەنجن، دایك و كچن و خەڵكی شارۆچكەی نۆدشەن لە شاری پاوە لە ڕۆژهەڵاتی كوردستان، هۆكاری ڕووداوەكەش نادیارە.
لە تۆڕە کۆمەڵایەتیەکان شەیری بکە