31-5.jpg)
54 خولەک پێش ئێستا
161 جار خوێنراوەتەوە
بافڵ تاڵەبانی: بەڕێزەوە لە رۆڵى کۆمەڵى دادگەری لە خزمەتکردنی گەل و خاکەکەمان دەڕوانین
پەیام
بافڵ تاڵەبانی سەرۆكی یەكێتی نیشتیمانی لە یادی 25 ساڵەی دامەزراندنی كۆمەڵی دادگەری پەیامێكی پیرۆزبایی ئاڕاستەی كۆمەڵی دادگەری كرد.
بافڵ جەلال تاڵەبانی لە پەیامەكەیدا پیرۆزبایی لە سەرۆك و سەركردایەتی و لایەنگرانی كۆمەڵی دادگەری كرد و هیوای سەركەوتنی بۆ خواستن.
ناوبراو بە ڕێزەوە باسی لە پێگە و ڕۆڵی كۆمەڵی دادگەری وەك هێزێكی نیشتمانی و كاریگەر كرد و ئاماژەی بەوە دا، حیزبەكەیان وەك هەمیشە بایەخێكی زۆر بەو ڕۆڵە دەدات، كە لە خزمەتكردنی گەل و خاكدا دەیگێڕن.
سەرۆكی یەكێتی دووپاتی كردەوە، پابەندن بە بەرژەوەندییە باڵاكانی گەل و دەیانەوێت پەیوەندییەكان و هاوكارییەكانیان لەگەڵ كۆمەڵی دادگەری پەرەپێبدەن. ئامانجی ئەم هەنگاوە وەك لە پەیامەكەدا هاتووە، یەكخستنی هەوڵەكانە بۆ خزمەتكردنی زیاتری هاووڵاتیان و پاراستنی سەقامگیریی هەرێمی كوردستان.
لە تۆڕە کۆمەڵایەتیەکان شەیری بکە