پێش 4 هەفتە
268 جار خوێنراوەتەوە
یەدیعۆت ئەحرۆنۆت: ئیسرائیل لە لوبنان ناکشێتەوە
سەرچاوە ئیسرائیلییەکان بە ڕۆژنامەی "یەدیعۆت ئەحرۆنۆت" یان ڕاگەیاندووە کە بنیامین نەتانیاهۆ، سەرۆکوەزیرانی ئیسرائیل، دۆناڵد ترەمپی سەرۆکی ئەمریکای ئاگادار کردووەتەوە کە وڵاتەکەی پابەندی ئەو بڕگانە نابێت کە لە ڕێککەوتنی نێوان واشنتن و تاراندا تایبەتن بە پرسی لوبنان.
بەپێی زانیارییەکانی ئەو سەرچاوانە، نەتانیاهۆ جەختی لەوە کردووەتەوە کە سوپای ئیسرائیل لە پێگەکانی ئێستای لەناو خاکی لوبناندا ناکشێتەوە. ئەم بڕیارەش وەک بەشێک لە ستراتیژیی تەلئەبیب بۆ بەردەوامبوون لە ئەنجامدانی ئەو ئۆپەراسیۆنە سەربازییانە دەردەکەوێت کە بە وتەی ئەوان ئامانجیان پووچەڵکردنەوەی هەڕەشەکانی حزبوڵڵایە.
ئەم پێشهاتە لە کاتێکدایە کە گفتوگۆ و لێکتێگەیشتنەکانی نێوان ئەمریکا و ئێران سەبارەت بە دۆسیە هەرێمییەکان بەردەوامن، بەڵام ئیسرائیل بە فەرمی ڕایگەیاندووە کە پێگەی سەربازیی خۆی لەسەر زەوی ناگۆڕێت و جیا لە هەر ڕێککەوتنێک کە لە نێوان واشنتن و تاراندا بێتە ئاراوە، کارنامە ئەمنییەکانی خۆی لە لوبنان جێبەجێ دەکات.
لە تۆڕە کۆمەڵایەتیەکان شەیری بکە