2 کاتژمێر پێش ئێستا
115 جار خوێنراوەتەوە
واشنتن و تاران یاداشتنامەیەكیان بە ئەلکترۆنى بۆ كۆتاییهێنان بە جەنگ واژۆ كرد
پەیام
واشنتن و تاران بە شێوەیەكی ئەلیكترۆنی یاداشتنامەیەكی تێگەیشتنیان بۆ كۆتاییهێنان بە جەنگ واژۆ كرد، ئەمەش وەك هەنگاوێك بۆ دەستپێكردنی قۆناغی دووەمی دانوستانەكان كە بڕیارە لە ماوەی 60 ڕۆژدا بگەنە ڕێككەوتنێكی كۆتایی و ئاشتییەكی هەمیشەیی مسۆگەر بكەن.
ویلایەتە یەكگرتووەكانی ئەمریكا و كۆماری ئیسلامیی ئێران بەشێوەی ئۆنلاین یاداشتنامەیەكی تێگەیشتنیان بۆ كۆتاییهێنان بە جەنگ واژۆ كرد.
بەپێی زانیارییەكان، دۆناڵد ترەمپی سەرۆكی ئەمریكا لە شاری ڤێرسای فەرەنسا و بە ئامادەبوونی ئیمانوێل ماكرۆن، وەشانی كاغەزی ڕێككەوتنەكەی واژۆ كردووە، هاوكات تاران پشتڕاستی كردەوە كە یاداشتنامەكە چۆتە بواری جێبەجێكردنەوە.
ماكرۆن لە تویتێكدا ڕایگەیاند، كە ئەم هەنگاوە دەرگای ئاشتییەكی هەمیشەیی دەكاتەوە و دەبێتە هۆی كردنەوەی گەرووی هرمز و دابەزاندنی نرخی وزە.
لەیەكەم كاردانەوەدا و لە بەرامبەردا، محەمەد باقر قالیباف، سەرۆكی پەرلەمانی ئێران، ئەم ڕێككەوتنەی بە "شكستی ئەمریكا" ناوبرد.
سەرچاوە دیپلۆماسییەكان ئاماژەیان بەوە كردووە كە پەلەكردن لەم هەنگاوە بۆ كردنەوەی گەرووی هورمزە، سەرەڕای ئەوەی ترەمپ دان بەوەدا دەنێت كە دانوستانەكان سەخت بوون و هەڕەشەی گەڕانەوە بۆ بۆردوومانكردنی ئێرانی كردبوو ئەگەر ڕێككەوتنەكە ئەنجام نەدرایە.
چاوەڕوان دەكرێت لە 60 ڕۆژی داهاتوودا دانوستانەكان بۆ گەیشتن بە ڕێككەوتنێكی كۆتایی بەردەوام بن.
لە تۆڕە کۆمەڵایەتیەکان شەیری بکە