ئاماری بومەلەرزەكەى ڤەنزوێلا گەیشتە 235 گیانلەدەستدان و 4300 بریندار

پەیام

ئاماری قوربانییانی بومەلەرزەكەی ڤەنزوێلا بەرز بووەوە و پێشبینیش دەكرێت قوربانییەكان 10 هەزار كەس تێپەڕێنێت.

بەهۆی دوو بوومەلەرزەی بەهێز بە گوڕی 7.2 و 7.5 پلە كە ڤەنزوێلایان هەژاند، تائێستا 235 كەس گیانیان لەدەست داوە و 4300 كەسی دیكەش بریندار بوون.

 ناوەندی جیۆلۆجی ئەمریكا هۆشداری دەدات كە ئەگەری هەیە ژمارەی قوربانییەكان 10 هەزار كەس تێپەڕێنێت، چونكە ناوی زیاتر لە 35 هەزار كەس وەك بێسەروشوێن تۆمار كراوە.

ناوچەی "لا گوایرا" لە باكووری وڵات زۆرترین زیانی بەركەوتووە و فڕۆكەخانەی سەرەكی وڵاتیش داخراوە، ئەمەش گەیاندنی هاوكارییەكانی قورستر كردووە. 

تیمەكانی فریاكەوتن لە هەوڵێكی بەردەوامدان بۆ دەرهێنانی قوربانییان لەژێر داروپەرووی باڵەخانە ڕووخاوەكاندا. 

دانیشتووانی ناوچە زیانلێكەوتووەكان لە دۆخێكی ترسناكدان و بەشێكی زۆریان بە دەستی خۆیان بەدوای كەسوكارە ونبووەكانیاندا دەگەڕێن.

 ئەمە بە بەهێزترین بوومەلەرزە دادەنرێت كە لە ماوەی سەدەی ڕابردوودا ڤەنزوێلای گرتبێتەوە و بووەتە هۆی وێرانكارییەكی بێوێنە لە ژێرخان و باڵەخانەكانی ئەو وڵاتەدا.