10/07/2026
487 جار خوێنراوەتەوە
لە دۆسیەی دزیی سەدەدا لێكۆڵینەوە لە سەرۆكوەزیرانی پێشووتر كراوە
پەیام
ئەنجوومەنی باڵای دادوەریی عێراق لێكۆڵینەوە لە سەرۆكوەزیرانی پێشووتر لە دۆسیەیەكی گەندەڵیی ئاشكرا دەكات.
لە ڕوونكردنەوەیەكدا، ئەنجوومەنی باڵای دادوەریی عێراق ڕایدەگەیەنێت: لە دۆسیەی دزیی سەدەدا دادگای تایبەتمەند لێكۆڵینەوە لە مستەفا كازمی سەرۆكوەزیرانی پێشووتر كردووە كە تاوانەكە لە ماوەی سەرۆكایەتی ئەو بۆ حكوومەتدا كراوە.
ئەنجوومەنی باڵای دادوەریی عێراق ڕایشیگەیاند: هەر یەك لە تاوانەكانی دۆسیەی نوێیەكانی گەندەڵییش ئەوانەی پەیوەندییان بە عەدنان جومەیلییەوە هەیە بەر لە یاسای لێبوردنی گشتی ئەنجام درا بن دەتوانن بە مەرجی گێڕانەوەی پارەكان یاساكە بیانگرێتەوە.
لە تشرینى دووەمى ساڵى 2022، محەمەد شیاع سودانى سەرۆکوەزیرانى عێراق ئاشکرایکرد، دوو ملیار و 500 ملیۆن دۆلار لە رێگەى پێنج کۆمپانیاى وەهمییەوە و بە چەکى بانکى ساختە راکێشرابوو، ئەم گەندەڵییە گەورەش بە دزیی سەدە ناسێنرا.
لە تۆڕە کۆمەڵایەتیەکان شەیری بکە