ترەمپ: ڕێنماییم داوە بە وێرانکردنى ئێران ئەگەر لە كوشتنم سەركەوتوو بوون

پەیام 

لە پرسی كوشتنیدا، دۆناڵد ترەمپ سەرۆكی ئەمریكا ڕایگەیاند: ڕێنماییم داوە بە بۆردومانكردنی ئێران بە ئاستێكی بێوێنە ئەگەر ئێران لە كوشتنم سەركەوتوو بوون.

ترەمپ ڕاشیگەیاندووە: ڕەزامەندییمان لەسەر بەردەوامیی دانوستان لەگەل ئێران داوە، بەڵام پێشمان وتوون كە ئاگربەست تەواو بووە.

وتیشى "بەرپرسانی ئێران داوای بەردەوامیی دانوستانیان لێ كردووین، ئێمەش ڕازی بووین".

لە نووسینێكیدا لە تۆڕی تروس سۆسیالی خۆیدا، ترەمپ ڕایگەیاند: لەگەڵ ڕەزامەندییمان بە بەردەوامیی دانوستان، بەجۆرێكی بێ پێچوپەنا و بە ڕوونیی بە ئێرانییەكانیشمان وتووە كە ئاگربەست كۆتایی هاتووە.

لە لایەكی دیكەوە و لە لێدوانێكیدا بۆ ڕۆژنامەی نیویۆرك پۆستی وڵاتەكەی، سەرۆكی ئەمریكا ڕەتی كردەوە ئێران هیچ پلانێكی نوێی بۆ كوشتنی هەبێت. ئەو دەڵێت: ئێران چەند ساڵێكە دەیەوێت بمكوژێت، بۆیە ئیسرائیل لەوبارەوە هیچ زانیارییەكی نوێی پێ نەداوین!

هەر لە پرسی كوشتنیدا، سەرۆكی ئەمریكا ڕایگەیاند: ڕێنماییم داوە بە بۆردومانكردنی ئێران بە ئاستێكی بێوێنە ئەگەر ئێران لە كوشتنم سەركەوتوو بوو.

پێشتر تۆڕی سی ئێن ئێن لە زاری سەرچاوەكانیەوە بڵاوی كردەوە كە قەوارەی ئیسرائیل زانیاریی هەواڵگریی لەبارەی هەوڵی نوێی كوشتنی دۆناڵد ترەمپ بە لایەنی ئەمریكی داوە.