پێش 4 هەفتە
211 جار خوێنراوەتەوە
ئەمریكا سزای بەسەر 14 كۆمپانیا و كەسایەتی ئێرانیدا سەپاند
پەیام
ئەمریكا سزای بەسەر 14 كۆمپانیا و كەسایەتی پەیوەندیدار بە ڕێبەری باڵای ئێران و سوپای پاسداراندا سەپاند.
وەزارەتی خەزێنەی ئەمریكا سزای بەسەر هەشت كەس و شەش كۆمپانیای ئێرانییدا سەپاند كە تۆمەتبارن بە دابینكردنی دارایی بۆ موجتەبا خامنەیی، ڕێبەری نوێ و سوپای پاسداران.
بەپێی ڕاگەیەنراوێكی وەزارەتی خەزێنەی ئەمریكا "ئەم هەنگاوەی واشنتۆن دوای ئەوە دێت كە ئێران هێرشەكانی بۆ سەر كەشتیوانی نێودەوڵەتی لە گەرووی هورمز دەستپێكردەوە".
یەكێك لە دیارترین سزادراوەكان بازرگانێكی نیشتەجێی دوبەی بە ناوی عەلی ئەنساری خاوەن و بەڕێوەبەری پێشووی بانكی ئایندەیە كە تۆمەتبارە بە بەكارهێنانی پێگەی خۆی بۆ گۆڕینی پارەی گشتی بۆ وەبەرهێنانی نێودەوڵەتی لە ئەڵمانیا، بەریتانیا، ئیسپانیا و ئیمارات، كە سوودەكەی بۆ ڕێبەر و پاسداران دەگەڕێتەوە.
سزا نوێیەكانی ئەمریكا سێ كۆمپانیای گۆڕینەوەی دراو و چەند كۆمپانیایەكی خەیاڵی لە هۆنگ كۆنگ و ئیماراتیش دەگرێتەوە كە ساڵانە بە مەبەستی شاردنەوەی سەرچاوەی پارەكان ملیارەها دۆلاریان بۆ بانكە سزادراوەكانی ئێران گواستووەتەوە.
وەزارەتی خەزێنەی ئەمریكا جەخت دەكاتەوە لەوەی ئەم تۆڕانە بۆ خۆدزینەوە لە سزاكان و پاڵپشتی تیرۆر بەكار هێنراون.
لە تۆڕە کۆمەڵایەتیەکان شەیری بکە