گه‌ڕێكی دیكه‌ی دانوستانی نێوان ئیسرائیل و لوبنان به‌ڕێوه‌ده‌چێت

په‌یام
ئەمەریکا ڕایگەیاند کە ڕۆژانی ٤ تا ٦ی ئاب، ڕۆما میوانداری گەڕێکی نوێی دانوستانەکانی نێوان ئیسرائیل و لوبنان دەکات بۆ بەدواداچوون بۆ جێبەجێکردنی ڕێککەوتنی نێوانیان.

بەرپرسێکی وەزارەتی دەرەوەی ئه‌مه‌ریکا ڕایگەیاندووە، شاندە تەکنیکییەکان لە چاوپێکەوتنەکەی ڕۆمادا سەرنج دەخەنە سەر جێبەجێکردنی تەواوەتی ڕێککەوتنەکە. ئامانجی سەرەکی ئەم گفتوگۆیانە بریتییە لە چاره‌سه‌رکردنی کێشە سنوورییە هەڵپەسێردراوەکان، دانانی داڕشتنێک بۆ ڕێککەوتنێکی گشتگیری ئاشتی و ئاسایش، هەروەها سوودوەرگرتن لە ئەزموونی ناوچە سەرەتاییەکان بۆ بەرفراوانکردنی قۆناغ بە قۆناغی ناوچە ئەزموونییەکان.

لەلایەکی دیکەوە، سوپای لوبنان نیگەرانی خۆی دەربڕیوە سەبارەت بە بەردەوامی کردەوە سەربازییەکانی ئیسرائیل لە باشووری وڵاتەکە و رایگەیاندووە کە ئەو هێرشانە ڕێگری لە تەواوکردنی جێگیربوونی هێزەکانیان دەکەن له‌و ناوچانه‌ی كه‌ دیاریكراون. له‌كاتێكدا ئەرکی سوپای لوبنان لەو ناوچانە بریتییە لە داماڵینی چەک له‌ ده‌ستی حزبوڵڵا و قەدەغەکردنی هەر بوونێکی سەربازی ئه‌و هێزانه‌.