1 کاتژمێر پێش ئێستا
133 جار خوێنراوەتەوە
حـ.ەماس: بەر لە كشانەوەی ئیسرائیل لە غەززە هیچ هەنگاوێك نانێین
پەیام
لای خۆیەوە بزووتنەوەی حەماسی فەڵەستینی ڕایدەگەیەنێت: بەر لە كشانەوەی قەوارەی زایۆنی لە كەرتی غەززە هیچ هەنگاوێك نانێین.
غازی حەمەد ئەندامی لیژنەی دانوستانكاری بزووتنەوەی بەرەنگاریی ئیسلامیی فەڵەستین (حەماس) ڕایگەیاند: حەماس هیچ هەنگاوێك بە ئاڕاستەی كۆگاكردن و سنوورداركردنی چەك نانێت بەر لەوەی قەوارەی زایۆنی لە كەرتی غەززە بكشێتەوە.
لە لێدوانێكی ڕۆژنامەوانییدا غازی حەمەد ڕایشیگەیاند: حەماس هیچ هەنگاوێك جێبەجێ ناكات ئەگەر داگیركەر پابەندییەكانی بەپێی ڕێككەوتنەكە جێبەجێ نەكات.
بەپێی زانیارییەكان هەر یەك لە بزووتنەوەی حەماس و لایەنە فەڵەستینییەكان ڕەزامەندییان لەبەر ڕەشنووسی ڕێككەوتنێك لەبارەی چەكی بەرەی بەرەنگاریی لە كەرتی غەززە نیشان داوە كە بەپێی ڕەشنووسەكە لە ماوەی 14 ڕۆژدا ئەگەری درێژكردنەوەیشی هەیە، خشتەیەكی جێبەجێكردنی پڕۆسەی سنوورداركردنی چەك ئامادە دەكرێت.
ڕەشنووسەكە ئاماژەی بەوەش داوە، كە لیژنەی نیشتمانیی تەنیا لایەنی جێبەجێكردنی پڕۆسەی سنوورداركردنی چەك و كۆگاكردنیەتی و چەكەكان لە كەرتی غەززەدا لەژێر دەستیدا دەبێت و لایەنە فەڵەستینییەكانیش لە پڕۆسەكەدا بەشدار دەبن.
لە تۆڕە کۆمەڵایەتیەکان شەیری بکە