2 کاتژمێر پێش ئێستا
179 جار خوێنراوەتەوە
ئێران: پێویستە وڵاتانی ئیسلامی چاو بخشێننەوە بە هاوكاریكردنی ئەمریكا
پەیام
فەرماندەی بارەگای خاتەم ئەنبیائـ دەڵێت پێویستە وڵاتانی ئیسلامی چاو بخشێننەوە بە هاوپەیمانێتیان لەگەڵ ئەمریكا و هاوكاری كردنی.
لیوا عەلی عەبدوللاهی، فەرماندەی بارەگای خاتەم ئەنبیائی ناوەندی لە پەیامێكدا هۆشداریدا لەوەی هەر وڵاتێك ئەمریكای تاوانبار و دەستدرێژیكار بكاتە قەڵغان بۆ خۆپاراستنی، ئەوا لە ئاگری جەنگدا دەسووتێت.
ڕایشیگەیاند: پێویستە وڵاتانی ئیسلامی بە وریاییەوە چاودێری تاوانەكانی ئەمریكا بكەن و دووبارە چاوبخشێننەوە بە هاوپەیمانێتیان و هاوكاری كردنی.
وتی: ئەمریكا سەلماندی سوورە لەسەر ئەنجامدانی هەموو كارێكی خراپە و لەناوبردنی سامان و بەرژەوەندی موسڵمانەكان بۆ هێنانەدی ئامانجەكانی و ویستە خراپەكانی.
فەرماندەی بارەگای خاتەم ئەنبیائی ناوەندی وتیشی: پێویستە وڵاتانی ئیسلامی ناوچەكە بزانن ئەمریكا سامان و ژێرخان و سەرچاوە ستراتیژییەكانیان دەقۆزێتەوە و بەكاری دەهێنێت وەك قەڵغان بۆ سوپاكەی.
لە تۆڕە کۆمەڵایەتیەکان شەیری بکە