1 کاتژمێر پێش ئێستا
193 جار خوێنراوەتەوە
ئەمریکا دادگای تاوانی نێودەوڵەتی بە دامەزراوەیەكی ناشەرعی دادەنێت
پەیام
ئەمریكا گوشارەكانی بۆ سەر دادگای تاوانی نێودەوڵەتی چڕ دەكاتەوە و دەستی كردووە بە گرتنەبەری چەندین ڕێكار دژی ئەو دادگایە.
ماركۆ ڕۆبیۆ، وەزیری دەرەوەی ئەمریكا لە كۆبونەوەی ئەنجومەنی وەزیرانی وڵاتەكەی ڕایگەیاند: ئیدارەی واشنتن دادگای تاوانی نێودەوڵەتی بە ڕێكخراوێكی ناشەرعی دادەنێت.
وەزیری دەرەوەی ئەمریكا جەختی كردەوە لەوەی وڵاتەكەی دەستیكردووە بە گرتنەبەری چەند هەنگاوێك بۆ پابەندكردنی دادگای تاوانی نێودەوڵەتی بە سیستم و ڕێساكانەوە.
ئەو لێدوانەی مارۆك ڕۆبیۆ لەچوارچێوەی هەڵمەتێكی فراوانە كە ئیدارەكەی ترەمپ دەستی پێكردووە بەئامانجی هەڵوەشاندنەوەی دادگای تاوانی نێودەوڵەتی كە كۆشكی سپی دادگاكە بە هەڕەشە بۆ سەر سەروەریی ئەمریكا ناودەبات.
سەرباری هەڕەشە و گوشارەكان، ئەمریكا بەتەنیا دەسەڵاتی یاسایی نییە بۆ هەڵوەشاندنەوەی دادگای تاوانی نێودەوڵەتی، چونكە ئەو دادگایە بەپێی ڕێككەوتنامەیەكی نێودەوڵەتی پێكهێنراوە و واشنتن تەنیا دەتوانێت گوشار دروست بكات.
لە تۆڕە کۆمەڵایەتیەکان شەیری بکە