6 رۆژ پێش ئێستا
187 جار خوێنراوەتەوە
هاتنی زیارەتكارانی شیعە بۆ عێراق بۆ چوار ملیۆن و نیو بەرزبووەتەوە
پەیام
هاتنی زیارەتكارانی شیعە بۆ عێراق گەیشتووەتە نزیكەی چوار ملیۆن و 500 هەزاركەس.
فەریق "سەعد مەعن" سەرۆكی شانەی ڕاگەیاندنی ئەمنی عێراق ڕایگەیاند، لە سەرەتای مانگی موحەڕەمەوە تاكو ئەمڕۆ، 4 ملیۆن و 465 هەزار زیارەتكاری بیانی بۆ بەشداری لە مەراسیمی چلەی ئیمام حوسێن هاتوونەتە ناو خاكی عێراقەوە.
بە وتەی مەعن، پڕۆسەكە بەبێ هیچ پێشێلكارییەكی ئەمنی بەڕێوە دەچێت و ئێستا گەڕانەوەی زیارەتكاران بۆ وڵاتەكانیان دەستی پێكردووە. هەموو دامەزراوە ئەمنی و خزمەتگوزارییەكان لە ئامادەباشی تەواودان بۆ دابینكردنی سەلامەتی و ئاسانكاریی هاتوچۆی ئەو ژمارە زۆرەی زیارەتكاران لە مەرزە جیاوازەكاندا.
ڕایشیگەیاند: زیارەتكارانی چلەی ئیمام حسێن لە 172 رەگەزنامەی جیاواز پێكهاتوون و لە فڕۆكەخانە و دەروازە جیاوازەكانەوە هاتوونەتە نێو عێراق.
وتیشی: پلانی ئەمنی و خزمەتگوزاریی تایبەت بە زیارەتكاران بەردەوامە، پڕۆسەكەش بە ڕێژەیەكی بەرز كۆنترۆڵ كراوە و رێك خراوە.
لە تۆڕە کۆمەڵایەتیەکان شەیری بکە