دەسەڵاتى بەڕێوەبردنی وەزارەتە بێ وەزیرەكانى عێراق بە بریکارەکانیان دەسپێردرێت

پەیام 

سەرۆكوەزیرانی عێراق بڕیاریدا بریكارەكانی وەزارەتە بێ وەزیرەكان بەشداری كۆبوونەوەكانی ئەنجومەنی وەزیران بكەن و دەسەڵاتى بەڕێوەبردنیان هەبێت تا كاتی دیاریكردنی وەزیرەكان.

عەلی فالح زەیدی، سەرۆكوەزیرانی عێراق لە كۆبوونەوەی ئەمڕۆیدا ڕێنمایی دا كە بریكارەكانی ئەو وەزارەتانەی هێشتا وەزیریان بۆ دیاری نەكراوە، ئامادەی كۆبوونەوەكانی ئەنجومەنی وەزیران بن. 

ئەم بڕیارە تا كاتی تەواوكردنی ناوی وەزیرەكان و دەستبەكاربوونیان بەردەوام دەبێت.

بەپێی ڕاگەیەندراوێكی نووسینگەكەی زەیدی، دەسەڵاتی بەڕێوەبردنی كاروباری وەزارەتەكانی (بەرگری، ناوخۆ، پلاندانان، ئاوەدانكردنەوە، خوێندنی باڵا، ڕۆشنبیری، كار، كۆچ، و وەرزش)ی بە بریكارەكان بەخشی، جگە لەو دەسەڵاتە تایبەتانەی كە تەنها لای وەزیری بەوەكالەتن.

سەرۆكوەزیران جەختی لەوە كردەوە كە ئەم هەنگاوە بۆ مسۆگەركردنی بەردەوامیی كارەكانی دەوڵەت و خێراكردنی ڕاییكردنی مامەڵەی هاووڵاتییانە. 

هەروەها داوای لە بریكارەكان كرد كە ئەوپەڕی هەوڵەكانیان بدەن بۆ بەرزكردنەوەی ئاستی كاركردن و ڕێگریكردن لە هەر دواكەوتنێك كە زیان بە بەرژەوەندییە گشتییەكان بگەیەنێت.