دەوڵەتی یاسا: دەبێت سنوورداركردنی چەك عێراق لە ڕووبەڕووبوونەوەی خوێناوی بپارێزێت

پەیام 

هیشام روكابی، بەڕێوەبەری نووسینگەی نوری مالیكی ڕایگەیاند، هاوپەیمانیی دەوڵەتی یاسا پشتگیریی سنوورداركردنی چەك لە دەستی دەوڵەتدا دەكات، بە مەرجێك ئاشتیی ناوخۆیی بپارێزێت و عێراق لە هەر ڕووبەڕووبوونەوەیەكی خوێناوی و ئاڵۆزییەكی نێوخۆیی و كوشندە بەدوور بگرێت.

هیشام روكابی لە تۆڕی كۆمەڵایەتی "ئێكس" ئاماژەی بەوە كرد، چەسپاندنی دەسەڵاتی دەوڵەت لە ڕێگەی سازانی نیشتمانی و ڕێكاری یاسایی دەبێت نەك ئاڵۆزكردن.

ئەم هەڵوێستەی دەوڵەتی یاسا، وەك یەكێك لە 12 پێكهێنەرە سەرەكییەكەی چوارچێوەی هەماهەنگی، هاوكاتە لەگەڵ ئامادەباشی هێزە ئەمنییەكان دوای كۆتاییهاتنی مۆڵەتی "بەرگریی ئیسلامی" لە 7ی ئاب، كە بۆ وەڵامدانەوەی هێرشەكانی 29ی تەممووزی ئەمریكا و سعودیە بۆ سەر حەشدی شەعبی (24 كوژراو و 32 بریندار) دیارییان كردبوو.

لەلایەكی دیكەوە، هاوپەیمانیی ئیدارەی دەوڵەت 30ی ئەیلوولی وەك دوا وادە بۆ ڕادەستكردنی چەك و كشانەوەی هێزە بیانییەكان دیاریكردووە، بەجۆرێك دوای ئەو ڕێكەوتە، هەر چەكێكی دەرەوەی دەسەڵاتی دەوڵەت بەپێی یاسای تیرۆر مامەڵەی لەگەڵدا دەكرێت.