1 کاتژمێر پێش ئێستا
32 جار خوێنراوەتەوە
زێلێنسكی: هێرشێكی گەورەمان بۆ سەر چەندین بنكەی سەربازی و نەوتی ڕووسیا ئەنجامدا
پەیام
سەرۆكی ئۆكرانیا هێرشێكی گەورەی هێزەكانی وڵاتەكەی بۆ سەر چەندین بنكەی سەربازی و نەوتی لە قووڵایی خاكی ڕووسیادا ڕاگەیاند.
ڤۆلۆدیمیر زێلێنسكی، سەرۆكی ئۆكرانیا، ڕایگەیاند: هێزەكانی وڵاتەكەی بە مووشەكی جۆری "فلامینگۆ" هێرشیان كردووەتە سەر چەندین ئامانجی ستراتیژی لە ناو جەرگەی خاكی ڕووسیادا و یەكێك لە ئامانجەكان دامەزراوەی پیشەسازی "پرۆگریس"ی سەر بە ئاژانسی بۆشایی ئاسمانی ڕووسیایە لە ناوچەی سامارا، كە 900 كیلۆمەتر لە سنوورەوە دوورە و پارچەی ئەلیكترۆنی سەربازی بەرهەم دەهێنێت.
زێلێنسكی ئاماژەی بەوەش كردووە "بنكەی ئاسمانی "ساڤاسلێكا" لە ناوچەی نیژنی نۆڤگۆرۆد كراوەتە ئامانج كە فڕۆكە جەنگییەكانی ڕووسیای لێ جێگیر كراوە، لەگەڵ دامەزراوەیەكی نەوتی لە ناوچەی "ئۆست لۆگا" لە نزیك سانت پترسبۆرگ".
سەرۆكی ئۆكرانیا ئەم هێرشانەی بە "سەركەوتنێكی باش" وەسف كرد و دیمەنی ڤیدیۆیی هێرشەكانیشی بڵاو كردەوە.
ئەم ئۆپڕاسیۆنانە نیشانەی زیادبوونی توانای ئۆكرانیان بۆ لێدانی ئامانجە دوورەكان كە زیاتر لە 800 كیلۆمەتر لە سنوورەكانیانەوە دوورن.
لە تۆڕە کۆمەڵایەتیەکان شەیری بکە