2 کاتژمێر پێش ئێستا
83 جار خوێنراوەتەوە
واشنتۆن چاودێریی گواستنەوەی نایاسایی كاڵا چینییەكان لە وڵاتانە دەكات
پەیام
ئەمریكا پێنج وڵاتی ڕۆژهەڵاتی ناوەڕاست بە مەترسی بۆ گواستنەوەی نایاسایی كاڵا چینییەكان بۆ وڵاتەكەی دیاری دەكات.
ڕاپۆرتێكی نوێی كۆشكی سپی، پێنج وڵاتی ڕۆژهەڵاتی ناوەڕاست (توركیا، ئوردن، عومان، ئیمارات و قەوارەی ئیسرائیل) دەخاتە لیستی ئەو 40 وڵاتەی كە مەترسیی ئەوەیان لێدەكرێت وەك وێستگەیەك بۆ دووبارە ڕەوانەكردنەوەی كاڵا چینییەكان بەكاربهێنرێن، بە مەبەستی دەربازبوون لە باجە گومرگییەكانی ئەمریكا.
بەگوێرەی ڕاپۆرتەكە، ئەم پرۆسە نایاساییانە گۆڕینی پاكەت، مۆر، فاكتەر و پێشكەشكردنی زانیاری نادروست دەربارەی وڵاتی بنەڕەتیی كاڵاكان دەگرێتەوە.
لە پۆلێنبەندییەكەدا، قەوارەی ئیسرائیل لە پلەی یەكەم و توركیا لە پلەی دووەم دایە، لەكاتێكدا ئوردن، عومان و ئیمارات لە پلەی سێیەمدان، و ناوچە ئازادەكان و بەندەرەكانیان بۆ ئەم مەبەستە بەكاردەهێنرێن. بەتایبەت ئاماژە بە بەندەری "جەبەل عەلی" لە ئیمارات كراوە وەك ناوەندێكی سەرەكی.
كۆشكی سپی داوای توندكردنەوەی چاودێرییە گومرگییەكان دەكات و پێشنیاری بەكارهێنانی "ژیری دەستكرد" دەكات بۆ شیكردنەوەی داتاكانی باركردن، تاوەكو جیاوازی لەنێوان بەرهەمهێنانی ڕاستەقینە لەو وڵاتانە و تەنها گۆڕینی ناسنامەی كاڵا چینییەكان بكرێت.
لە تۆڕە کۆمەڵایەتیەکان شەیری بکە