1 کاتژمێر پێش ئێستا
27 جار خوێنراوەتەوە
حەشدی شەعبی: هێرشکردنە سەر دامەزراوەکانی هەڕێم بۆ تێکدانی دۆخی ناوچەکەیە
پەیام
سەرۆکی دەستەی حەشدی شەعبی سەرکۆنەی هێرشە درۆنییەکەی سەر نوسینگەی سەرۆک وەزیرانی هەرێم دەکات و دەڵێت، ئامانج لەو هێرشانە تێکدانی دۆخی ناوچەکەیە.
فالح فەیاز، سەرۆکی دەستەی حەشدی شەعبی لەلێدوانێکدا ئاماژەی بەوەکرد،" هەموو لایەنە نیشتیمانییەکان دەستدرێژییەکەی سەر نوسینگەی مەسرور بارزانی سەرۆکی حکومەتی هەرێمی کوردستانیان سەرکۆنە کردوەو ئەو کەسانەی هێرشەکەیان کردووە ئامانجیان تێکدانی دۆخی ناوچەکەیە ".
لەبارەی یاسای حەشدی شەعبییەوە، فالح فەیاز وتی،" لەماوەی دوو هەفتەی داهاتوودا یاساکە لەلایەن ئەنجومەنی وەزیرانەوە رەوانەی پەرلەمان دەکرێت ".
ئاماژەى بەوەشکردووە، پرۆسەی جیاکردنەوەی گروپە چەکدارەکان لەحەشدی شەعبی دەبێت بەپێی پلان بەڕێوەبچێت.
بەپێی راگەیەنراوێکی دژە تیرۆر، ڕۆژى 17ى ئەم مانگە دوو درۆنی بۆمبڕێژکراو ئاراستەی نووسینگەی تایبەتی سەرۆکوەزیرانی هەرێم و شوێنی حەوانەوەی بەڕێوەبەری دەزگای پاراستن لە پیرمام کران، بەبێ کەوتنەوەی هیچ زیانێکی گیانی.
لە تۆڕە کۆمەڵایەتیەکان شەیری بکە