لە ئەڵمانیا بەهۆى گەرماوە 14 هەزار گیانلەدەستدان لە چوار مانگدا تۆمار كراون

پەیام 

پەیمانگایەكی ئەڵمانی ڕایگەیاند بەهۆی گەرماوە لە وڵاتەكە نزیكەی 14 هەزار كەس لەمساڵدا گیانیان لەدەست داوە.

پەیمانگای ڕۆبێرت كۆخی ئەڵمانی بۆ تەندروستی لە ڕاپۆرتێكی نوێدا ئاشكرای كرد، لە نێوان مانگی نیسان تاكو ئابی 2026، بەهۆی بەرزبوونەوەی توندی پلەكانی گەرماوە نزیكەی 14 هەزار كەس لە ئەڵمانیا گیانیان لەدەست داوە. 

بەپێی ڕاپۆرتەكە، بەساڵاچووان زۆرترین كاریگەرییان لەسەر بووە، بەجۆرێك تا 9ی ئاب،  7 هەزار و 40 كەس لەوانەی گیانیان لەدەست داوە تەمەنیان لە سەرووی 85 ساڵییەوە بووە، هەروەها زیاتر لە 5 هەزار كەسی دیكەش تەمەنیان لە نێوان 65 بۆ 84 ساڵدا بووە.

ئەم شەپۆلە گەرمایە كە زۆربەی وڵاتانی ئەورووپای گرتووەتەوە، لە ئەڵمانیا ریكۆردی نوێی تۆماركرد، بەتایبەت لە ناوچەی كۆشینی ویلایەتی براندن بێرگ كە پلەی گەرما تێیدا گەیشتە 41.7 پلەی سەدی، ئەمەش وەك بەرزترین پلە لە مێژووی ئەو ناوچەیەدا لە 28ی حوزەیرانی ڕابردوو تۆمار كرا.