1 کاتژمێر پێش ئێستا
114 جار خوێنراوەتەوە
پاكستان.. له ڕووداوێكی ئاگركهوتنهوهدا له نهخۆشخانهیهك 14 منداڵی كۆرپه گیانیان لهدهست دا
لە ڕووداوێکی ئاگرکەوتنەوەدا لە نەخۆشخانەیەکی حکومی لە ئیسلام ئابادی پایتەختی پاکستان، بەلایەنی کەمەوە ١٤ منداڵی تازە لەدایکبوو گیانیان لەدەستدا.
شەهباز شەریف، سەرۆک وەزیرانی پاکستان، رایگەیاندووە، ڕووداوەکە بەرەبەیانی ئەمڕۆ چوارشەممە لە نهۆمی سێیەمی بەشی لەدایکبوون لە نەخۆشخانەی پەیمانگای پاکستانی بۆ زانستە پزیشکییەکان ڕوویداوە. بەپێی ڕاپۆرتە میدیاییە ناوخۆییەکان، لە کاتی کەوتنەوەی ئاگرەکەدا ١٦ منداڵی تازە لەدایکبوو لە بەشەکەدا بوون و تەنیا یەکێکیان ڕزگار کراوە، دوای ڕووداوەکەش سەرۆک وەزیرانی وڵاتەکە دەستبەجێ فەرمانی کردووە بە دەستپێکردنی لێکۆڵینەوەی ورد.
دایکی یەکێک لە منداڵەکان کە لە ڕووداوەکەدا گیانی لەدەستدابوو رەخنەی توندی لە ئیدارەی نەخۆشخانەکە و لایەنی خزمەتگوزاریی نەخۆشخانەکە گرت، هاوکات باوکێکی دیکە ئاماژەی بەوە کرد سەرجەم دەرگاکانی بەشەکە جگە لە یەکێکیان داخراو بوون و هیچ ڕێکارێکی سەلامەتی دژی ئاگرکەوتنەوە بوونی نەبووە. تا ئێستا بەڕێوەبەرایەتی نەخۆشخانەکە هیچ لێدوانێکی فەرمییان نەداوە.
ئەم کارەساتە بە یەکێک لە گەورەترین ڕووداوەکانی ئاگرکەوتنەوەی نەخۆشخانەکان لە پاکستاندا دادەنرێت و، هەفتەی ڕابردوو لەو نەخۆشخانەیە کە بەشێکە لە کۆمەڵگەیەکی گەورەتری تەندروستی لە ئیسلام ئاباد عیمران خان، سەرۆک وەزیرانی پێشوو، بۆ ماوەیەکی کورت تێیدا چارەسەری وەرگرتبوو.
لە تۆڕە کۆمەڵایەتیەکان شەیری بکە