سووریا.. مەزڵوم عەبدی بوو بە ڕاوێژكار و زمانی كوردیش كرایە فەرمی

پەیام 

سەرۆكی سووریا، مەزڵوم عەبدیی وەك ڕاوێژكاری خۆی دەستنیشان كرد. هەروەها پەروەردەی سووریا بڕیاری بۆ خوێندنی زمانی كوردی وەكوو وانەیەك لە قوتابخانەكاندا، دەركرد.

ئەحمەد شەرع، سەرۆكی سووریا، مەزڵوم عەبدی، فەرماندەی پێشووی هێزەكانی سووریای دیموكرات (هەسەدە)ی وەك ڕاوێژكاری سەرۆكایەتی كۆمار دەستنیشان كرد. ئەم بڕیارە دوای ئەوە هات كە عەبدی هەڵوەشاندنەوەی هێزەكانی هەسەدە و تێكەڵبوونی تەواوەتی بە دامەزراوەكانی دەوڵەتی سووریا ڕاگەیاند و لە دیمەشق ئاماژەی بەوە كرد كە وڵات چووەتە قۆناغێكی نوێی ئاشتی و بونیادنانەوە و سەردەمی چەك كۆتایی هاتووە.

هاوكات، وەزارەتی پەروەردەی سووریا بڕیاری دا زمانی كوردی وەك "زمانێكی نیشتمانی" لە هەموو قۆناغەكانی خوێندندا پەیڕەو بكرێت، بەتایبەت لەو ناوچانەی كوردەكان ڕێژەیەكی بەرچاوی دانیشتووانەكەی پێكدەهێنن. 

بڕیاریشە حكومەت مامۆستا و پێداویستییە پەروەردەییەكان بۆ ئەم مەبەستە دابین بكات، كە وەك وەرچەرخانێكی مێژوویی لە مێژووی نوێی سووریادا دەبینرێت.

ئەم هەنگاوە دوای ئەوە دێت كە پێشتر بابەتی زمان یەكێك بوو لە خاڵە هەرە ناكۆكەكانی نێوان ئیدارەی خۆسەر و حكومەتی ناوەندی.