سوپای ئەمریكا بەهۆی ژیری دەستكردەوە كەوتووەتە نێو هەڵەیەكی شەرمەزاركەرەوە

پەیام 

سوپای ئەمریكا بەهۆی ژیری دەستكردەوە كەوتە هەڵەوە و بەهۆی ئەو هەڵەیەشەوە هێندەی نەمابوو جەنگ لەنێوان ئەمریكا و چین هەڵبگیرسێت.

بەپێی ڕاپۆرتێكی هەواڵگری، دەركەوتووە لە سەرەتای جەنگی ئێراندا، سوپای ئەمریكا بەهۆی بەرنامەیەكی ژیری دەستكردەوە كەوتووەتە نێو هەڵەوە.

بەپێی زانیارییەكان، بەرنامەكە وای لێ كداوەتەوە كەشتییەكی چینی لە ڕۆژهەڵاتی ناوەڕاست پێكهاتەی تایبەت بە بەرنامەی چەكی ئەتۆمی دەگوازێتەوە.

بەهۆی ئەو بەرنامەیەی ژیری دەستكرد، سوپای ئەمریكا كەوتە نێو دۆخێكی شەرمەزاریی و پلانی داناوە بۆ ڕێگرتن لە كەشتییەكە، بەڵام پڕۆسەكە لە دواین خولەكدا هەڵوەشێنرایەوە و دەركەوت ئەو ژیری دەستكردەی بەكارهێنراوە بەهەڵە پێكهاتەی كەشتییە چینییەكەی دەستنیشان كردووە.

بە وتەی سەرچاوەیەكی ئەمریكی "ئەو ڕاپۆرتە لەبارەی كەشتییە چینییەكە هەڵە بوو و خەریك بوو جەنگێك هەڵبگیرسێنێت، چونكە هەر كردەوەیەكی سەربازیی ئەمریكی دژی هەر كەشتییەكی چینی مەترسی ململانێی چەكداری لێ دەكەوێتەوە".