1 کاتژمێر پێش ئێستا
63 جار خوێنراوەتەوە
بەهۆی جەنگی غەززەوە نەتەنیاهوو كەمترین كۆبوونەوەی دبلۆماسیی لەگەڵ دەكرێت
پەیام
ڕۆژنامەی "تایمز ئۆف ئیسرائیل" بڵاویكردەوە كە وتارەكەی بنیامین نەتەنیاهۆ لە نەتەوە یەكگرتووەكان ڕەنگە دواهەمین وتاری بێت لە كاروانی سیاسییدا، لە هەوڵێكدا بۆ باشتركردنی وێنەی ئیسرائیل و پێگەی سیاسیی خۆی لەسەر ئاستی جیهان.
ڕۆژنامەكە ئاماژەی بەوە كردووە، نەتەنیاهۆ بە كارنامەیەكی سنووردارەوە، كە پێشبینی دەكرێت مانەوەی لە نیویۆرك لە هەشت كاتژمێر تێپەڕ نەكات، بەشداری لە كۆمەڵەی گشتی نەتەوە یەكگرتووەكان دەكات.
بەپێی سەرچاوە ئەمریكییەكان بەهۆی ناڕێكیی كاتەكانیانەوە، هیچ دیدارێك لەگەڵ دۆناڵد ترەمپ لە بەرنامەكەیدا نییە. ئەمەش 15هەمین وتاری نەتەنیاهوو بوو لە كۆبوونەوەی كۆمەڵەی گشتیی سەربە نەتەوە یەكگرتووەكان.
هاوكات نووسینگەی نەتەنیاهۆ ڕایگەیاندووە، ناوبراو لە پەراوێزی سەردانەكەیدا لەگەڵ نۆ سەركردەی جیهان كۆدەبێتەوە، كە پێنجیان لە وڵاتانی ئەمریكای باشوورن بە ئامانجی بەهێزكردنی پەیوەندییە نێودەوڵەتییەكانی تەلئەبیبە لە كاتێكدا پەیوەندییەكانی لەگەڵ بەشێك لە وڵاتانی ئەوروپا بەهۆی جەنگی غەززە و فراوانكردنی نیشتەجێكردنی جولەكەكان لە كەناری ڕۆژئاوا تووشی گرژی بووەتەوە.
لە تۆڕە کۆمەڵایەتیەکان شەیری بکە