1 کاتژمێر پێش ئێستا
103 جار خوێنراوەتەوە
سعودیە پلانی هێرشێکی بەرفراوان بۆ حوسییەکان دادەڕێژێت
پەیام
سعودیە پلانی هێرشێکی بەرفراوان بۆ سەر حوسییەکانی یەمەن دادەڕێژێت بەمەبەستی کۆنتڕۆڵکردنەوەی گەروی بابولمەندەب.
بەگوێرەی ڕاپۆرتێکی ڕۆیتەرز ئەم ئۆپەراسیۆنە بە بەشداریی 100 هەزار سەربازی یەمەنی و پاڵپشتیی ئاسمانیی سعودیە ئەنجامدەدرێت. ئامانج لێی گەڕاندنەوەی ئاسایشە بۆ هێڵە بازرگانییەکانی دەریای سوور.
ڕۆیتەرز ئەوەشی خستووەتەڕوو، سعودیە خەریکی ئامادەکارییە بۆ هێرشێکی سەربازیی گەورە دژی چەکدارە حوسییەکانی یەمەن، كە پێدەچێت لە چەند هەفتەی داهاتودا دەستپێدەکات و لە لایەن هێزە یەمەنییەکانەوە لەسەر زەوی ئەنجام دەدرێت.
ئاماژە بەوەشكراوە، سعودییە دو بژاردە تاوتوێ دەکات؛ یان هێرشێکی سنوردار بۆ سەر کەناراوەکان، یان هێرشێکی هاوکات لە چەندین بەرەی وەک مەئرب، تەعز، ئەلبەیدا و جەوف. پاشەکشەپێکردنی حوسییەکان لە گەروی بابولمەندەب ئامانجی سەرەکیی ئەم پلانەیە، چونکە ڕیاز پێیوایە تاوەکو ئەو ڕێڕەوە لەژێر دەستی حوسییەکاندا بێت، دانوستانی ئاشتی سودی نابێت.
لە تۆڕە کۆمەڵایەتیەکان شەیری بکە