ڕۆیتەرز: ئێران پێشنیازێکی قەتەری بۆ کۆتاییهێنان بە جەنگ تاوتوێ دەکات

پەیام
ئێران پێشنیازێکی قەتەرییەکان بۆ کۆتاییهێنان بە جەنگی ئەمریکا و ئیسرائیل تاوتوێ دەکات و، چاوەڕوان دەکرێت تا کۆتایی ئەم هەفتەیە وەڵامی فەرمی خۆی ڕادەست بکات. 
ئاژانسی هەواڵی «ڕۆیتەرز» لە زاری بەرپرسێکی ئاگادارەوە بڵاویکردەوە، نێوەندگیرە قەتەرییەکان ڕۆژی یەکشەممەی ڕابردوو ڕەشنووسی ڕێککەوتنێکی نوێیان پێشکەشی تاران کردووە بە مەبەستی کۆتاییهێنان بەو جەنگەی کە لەلایەن ئەمریکا و ئیسرائیلەوە دژی دەکرێت. 
ئەو بەرپرسە ڕایگەیاند تاران لە ئێستادا خەریکی هەڵسەنگاندن و لێکۆڵینەوەیە لە ڕەشنووسەکە و چاوەڕوان دەکرێت پێش کۆتایی ئەم هەفتەیە وەڵامی خۆی لەم بارەیەوە بنێرێت. 
هەروەها ئەوەشی خستەڕوو کە پێش ئەنجامدانی کۆبوونەوەکەی ڕۆژی یەکشەممە لە تاران، مەترسی و نیگەرانییەک لە ئارادا بوو لەوەی بنیامین نه‌تەنیاهوو، سەرۆکوەزیرانی ئیسرائیل، لە درێژایی لەم هەفتەیەدا هێرشەکانی بۆ سەر ئێران دەستپێبکاتەوە.